වැඩසටහන්
දැනට ශ්රී ලංකාවේ ශේෂව පවත්වා නූල් රූකඩ කලාව නැවත ජනතාව අතරට ගෙනයමින් එහි පවතින කලාත්මක අගය හා සංස්කෘතිකමය වටිනාකම එලෙසින්ම මතු පරපුරට රැකදීම ඔබ අප සතු වගකීමක් හා යුතු කමකි. ශ්රී ලාංකික අනන්යතාවය ලොවට කියා පෑමට හා අපේකම යැයි හඬනගා පැවසීමට හැකි මෙම කලාව රැක ගැනීම සඳහා සියළු පාර්ශවයන් එක්ව ගත හැකි ක්රියාමාර්ගයන් බොහෝමයකි. මෙය නැවත නඟා සිටුවීමට ගත හැකි ක්රියාමාර්ගයන් අතුරින් කිහිපයක් මෙලෙස දැක්විය හැක.
- රාජ්ය / විදේශ උත්සව වලදී සංස්තකෘතික වැඩ මුළු විදේශ වැඩසටහන් වලදී රූකඩ නාට්ය සංදර්ශණ පැවැත්වීමට කටයුතු කිරීම මගින් නැවත රූකඩ සම්බන්ධයෙන් ජනතාව අතර කතිකාවක් සැකසිම.
- ළමා අධ්යාපනයට හා විශ්ව විද්යාල අධ්යාපනයට විෂයක් ලෙස හෝ විෂය අනුඛණ්ඩයක් ලෙස හෝ දැනුම බෙදාදීමේ ක්රමවේදයක් ලෙස මෙම කලාව යොදා ගැනීම.
- සංචාරක අමාත්යංශය හා ඒකාබද්ධව එහි අනුමත ආයතන හා ස්ථාන ආශ්රිතව සංදර්ශණ හා වැඩමුළු පැවැත්විමට කටයුතු කිරීම.
- සෞඛ්ය අමාත්යංශය හා එක්ව සෞඛ්ය අධ්යාපනය ලිංගික අධ්යාපනය, රෝග (ඒඞ්ස්, ඩෙංගු වැනි) ආදිය පිළිබඳව ජනතාව දැනුවත් කිරීමේ ක්රමවේදයක් ලෙස රූකඩ කලාව යොදා ගැනීම.
මෙවැනි වූ හරවත් වැඩසටහන් තවත් බොහෝමයක් පවතී. එවැනි අංශ කෙරෙහි අවධානය යොමු කරමින් කලාව රැක ගැනිමටත් එමගින් සමාජයට යහපත් ප්රථිඵලයක් ලබා දීමටත් සියළු අංශ එක්ව කටයුතු කල යුතු වේ.
සේවාවන්
මෙවන් වු ගැමි කලා මාධ්යක් එදා සිට මේ දක්වා ලාංකීය ජනතාවගේ කලාකාමී මනදොල සපුරවමින් පැමිණි ගමන් මගේ ජනතාවගේ කාංසිය, පාළුව, දුක් වේදනාවන් මඳකට දුරස් කරමින් මුවඟට සිනාවක් එක් කරමින් විනෝස්වාදය මොනවට සපයා ඇති බව පිළිගත යුතු කරුණකි. එහෙත් ඉන් ඔබ්බට ගිය සමාජමය වටිනාකම් රාශියක් මේ තුළ පවතින බව සැලකිය යුතු වේ. මෙවැනි කලාවක් තුළින් සමාජයකට සිදු කල හැකි සිදු කෙරෙන සේවාවන් බොහෝමයක් පවතින අතර ඉන් කිහිපයක් මෙලෙස දැක්විය හැක.
- ප්රාථමික අධ්යාපනය ලබා දීමට හැකි විම.
- අඩු මානසික මට්ටම් සහිත ළමුන්ට විනෝදාස්වාදය හා සමාජ අවබෝධයක් ලබා දීම සඳහා යොදා ගත හැකි වීම.
- විදේශ සංචාරක ආකර්ශණය දිනා ගැනිම තුළින් දේශීය වශයෙන් ආදායම් ඉහළ නැංවිය හැකි වීම.
- වෙළෙඳ දැන්වීම් සඳහා පහසු හා අකාර්ශණීය ක්රමවේදයක් ලෙස භාවිතා කළ හැකි වීම.
- ජනතාවගේ සෞඛ්යමය හා සමාජ රෝග ආදි දේ සඳහා දැනුවත් කිරීමේ මාධ්යක් ලෙස යොදා ගත හැකි වීම.
- ළමා අපචාර හා අපරාධ සිද්ධීන් පිළිබඳව ළමුන් හා වැඩිහිටියන් දැනුවත් කිරීමට රූකඩ කලාව යොදා ගත හැකි වීම
- රුකඩ කලාව සංචාරක ව්යාපාරයට සම්බන්ධ කිරීම හරහා නව රැකියා උත්පාදනයක් සිදුකල හැකි වීම හා තරුණයන් ඒ සඳහා යොමුකල හැකි වීම.
මෙවන් වු සේවාවන් බොහොමයක් රූකඩ කලාව හරහා සමාජයට සිදු කල හැකි අතර දැනටත් යම්තාක් දුරකට සිදු වෙමින් පවතී. අපගේ දෑසට පෙනෙන නාට්ය රඟ දැක්වීමකට එහා ගිය සමාජමය සේවාවන් රාශියක් මෙම නූල් රූකඩ කලාව ඔස්සේ සිදු කිරීමට කටයුතු කිරීම කාලෝචිත වූවකි.
